Maldon gatza

Gatz-lorea edo gatz ezkatatua, jatorria itsasoan edo gatzagetan duen gatz gourmeta da. Ez du prozedura industrialik jasaten, eta zaporearen leuntasunagatik, goi-mailako sukaldaritzan erabiltzen da.

Gatz ezkatatua lortzeko prozesua eskuz egiten da, eta denbora asko behar da. Sodio klorurozko kristaltxoak (eta beste konposatu batzuk) azaleratu daitezen utzi behar da, eta ondoren, eguzkitan eta haizearekin lehortzen utzi. Goizeko lehenengo orduan, gatza pala bidez - eskuz beraz – jasotzen da, kristaltxoak apur ez daitezen. Horren delikatuak dira kristaltxook, ezen haizeak berak ere apur baititzake.

Haragiekin, arrainekin eta barazkietan erabiltzen da gehienbat.

Gatz ezkatatua edo gatz-lorea zapore askotakoa izan daiteke: zitrikoa, ketua, baratxuria, mina, belarra, eta abar.

Errezetak