Kategoria Edariak
Alergenoak
sulfitoak
sulfitoak

Ardo zuria hori lastokara, hori berdexka eta urre-hori kolorea daukaten ardoen barietate bat da.

Azal zuria edo beltza daukaten mahatsen kolorerik gabeko mamien hartzidura alkoholikotik sortzen da, amaierako produktuak kolore horia eta gardena eduki dezan. Ardo zuri mota asko daude mahatsondo ugari eta elaborazio metodo ugari daudelako, baita azukre hondar edukiaren ondorioz ere.
Uste da ardo zuria duela 2500 urte kontsumitzen dela. Garapen ekonomikoarekin batera hedatu da eta ardo-kontsumoa tradizioa den herrialde guztietan ezarri da; bereziki, Europan, Amerikan eta Ozeanian.

Ardo zurien produkziorako erabiltzen diren mahats zuriak kolore berde edo horikoak dira nagusiki. Munduan zehar oso hedatua dagoen barietatea da, eta horregatik planetako zonalde askotan produzitzen da ardo hau. Barietate batzuk oso ezagunak dira, besteak beste, chardonnay, sauvignon eta riesling-a. Ardo zuria edo xanpaina sortzeko erabiltzen diren mahats beltzeko barietateak daude ere bai, adibidez, pinot noir-a.

Ardo zuri moten artean, ardo zuri lehorra da arruntena. Aromatikoagoa edo azidoagoa egin ahal da, baina beti muztioaren hartzidura osotik abiatuta sortzen da. Ardo gozoak sortzeko, mahats azukre guztiak alkohol bihurtu aurretik eteten da hartzidura. Ardo apardun gehienak ardo zuriak dira, eta, hauen kasuan, hartzidurako karbono dioxidoa ardoan disolbatuta mantentzen da eta botila irekitzean gas bihurtzen da apar leuna sortuz.

Normalean, jan aurretik, postrearekin batera edo edari freskagarri moduan kontsumitzen da ardo zuria. Tradizionalki, haragi zuriarekin eta zenbait gazta motarekin hartzen da. Bere kontsumoa arrain eta itsaskiekin ere erlazionatu da askotan.

Nutrizio-informazioa (0.1 l)
Zuntza 0.15 g
Gantz azido aseak 0.0 g
Gantz azido monoasegabeak 0.0 g
Gantz azido poliasegabeak 0.0 g
Kolesterola 0.0 mg
Kaltzioa 8.7 mg
Burdina 0.7 mg
Zinka 0.1 mg
A bitamina 0.0 ug
C bitamina 0.0 g
Azido folikoa 0.1 ug
Gatza (Sodioa) 0.0 mg
Azukreak 0.0 g
Datuek orientatzeko balio dute eta ez dira osasun-helburuekin erabili behar.Webgunearen arduradunek ez dute inolako erantzukizunik onartzen.
Errezetak