Txerri-solomo txingarreztatua barazkiekin

Txingarreztatuarentzako:

• Bereizi solomoa eta burua, hezurgabetu solomoa eta moztu erditik. Soka batekin lotu.
• Moztu tipula eta udare-tomatea paisana eran eta azenarioa ilargi-erditan.
• Prestatu hondo zuria.
• Txerri solomoa gatz eta piperhautsaz ondu, koipetu eta labean erre 220 ºC-tan, kanpotik gorritu eta zigilatua egon arte.
• Ongailu bazakiak erdi-sueztitu.
• Gehitu ongailu barazkiak gorritutako solomoari, ardo txuria bota eta hondo zuria, haragia estali gabe.
• Labeko tenperatura 180 ºC-tara jeitsi. Egiten utzi solomoa bigundu arte, prozesu osoan bueltak emanez.
• Txingarreztatua amaitzean egoten utzi zuntzak lasaitu arte.
• Behin hozten denean, haragia eta barazkiak banandu, ondoren solomoa xerratan moztu.

Saltsarentzako:

• Barazkiak eta salda bereizi. Saldari koipea kendu.
• Barazkien gainean irina bota (40g/l) eta utzi egiten. Gehitu salda koiperik gabe eta hondo zuria, beharrezko neurrira iritsi arte. Egosten utzi, turmixetik pasa, iragazi eta puntuan jarri.

Hornidurarentzako:

• Azenarioa eta patatak dadotan moztu eta lekak erronbotan.
• Patatak frijitu.
• Lekak, azenarioa eta ilarrak egosi, bakoitza bere aldetik.
• Barazkiak geruzatan ipini plaketan, margarina pixka batekin.

MUNTAIA

• Haragiari saltsa bota, labean sartu eta ongi berotu.
• Barazkiak labean sartu ongi berotu arte. Patatak barazkien gainean ipini.
• Plater lauan plateratu, saltsas busti eta aldamenean barazki hornidura ipini.