bildotsaren noisette provenza erara ratatouillerekin

Noisetterako:

• Arkume-saiheskia hezurgabetu, solomoa atera eta hegalean kokatu. Gatza eta piperrauts zuria eman.
• Hezurrak erreserban utzi hondo bat egiteko.
• Barrubetearekin arkume-saiheskia barrubete, tutuak egineta hutsunean ontziratu.
• Labean kozinatu lurrineko funtzioan, 72 ºC-tan 18 ordu bitartez. Ondoren, tenperatura jaitsi eta erreserban utzi.

Barrubeterako:

• Tipula brunoisean moztuta sueztitu.
• Mahats-pasak armagnac likorean beratzen utzi.
• Ziazerba egosi, xukatu eta fin-fin moztu.
• Pinaziak erre.
• Osagai guztiak nahastu, pittin bat kozinatu eta gatz puntuan ipini.  

Bildotsaren zuku-lirgindaturako:

• Bildotsaren hezurrak erre eta hondo mamitsu on bat egin. Hondoa urritu eta zuku lirgindatu bat egin.

Ratatouillerako:

• Piper gorriak erre, azala kendu eta uztai batekin diskoak egin.
• Tamaina bereko xafletan kuiatxoa, alberjinia eta tipula moztu. Tomatea galdarreztatu, azala kendu eta lehen bezalako xafletan moztu.
• Berakatz-olio pixka batekin kuiatxoa, alberjinia, eta tipula zartaginean egin.
• Madalenak egiteko gomazko molde baten ipini barazki guztiak euren koloreak kontuan hartuz. Labean 180 ºC-tan 10 minutu bitartez egin pastelak. Abatidorean hotzitu eta moldetik atera.  

Apaingarrirako:

• Xarbot-olioa egin eta biberoi baten utzi.
• Perrexil-olio bat egin eta biberoi batera eraman.
• Xarbotaren hosto batzuk okelaren gainean jarri.

MUNTAIA:

• Noisettea haren poltsan Ronerrean berotu 65 ºC-tan.
• Okela poltsatik atera eta anoak atera. Poltsan dauden zukuak berreskuratu, zuku lirgindatuan sartu eta pittin bat urritu.
• Ratatouille labean funtzio lehorrean 180 ºC-tan 10 minutuz berotu.
• Noisette erakutsiko dugun aldetatik plantxan markatu eta platerrean ipini saltsa gainetik emanez.
• Noisettearen alboan Ratatouille ipini eta xarbot-olio pixka bat eman.
• Azkenik, xarbotaren hostoa noisette euskarri ipini.