Kanelon beganoa

Kaneloien barrubetetzea prestatzeko:

• Egin pisto bat kipula, kuiatxoa, piper berdea eta udare-tomatearekin 1x1 dadoetan moztuta.
• Sueztitu pistoa eta gehitu hidratatutako soia-testurizatua, ardo zuria, utzi murrizten eta jarri gatza eta piperbeltz zuri puntuan.
• Nahastatu pistoa eta soia testurizatua barazki hondo veloute saltsarekin.

Ilar krema prestatzeko:

• Sueztitu kipula -julianan moztuta-. Behin sueztituta dagoela, gehitu patata kraskatuak eta busti barazki hondoarekin.
• Egosi ilarrak lurrunetan eta eraitsi.
• Behin patata egosita, gehitu ilarrak eta txikitu.
• Iragazi txinatarretik eta jarri puntuan.

Kinoa barazkiekin prestatzeko:

• Egin barazki hondoa.
• Txikitu azenarioa ilargi erditan, kuia dadoetan eta banatu brokolia loreetan. Egosi ingeles erara edo lurrunetan banatuta.
• Moztu kuiatxoa ilargi erditan, eta salteatu.
• Kinoa egosteko:
  • Jarri iragazki batean ur txorrotaren azpian segundu batzuk eta garbitu beltxata kendu arte.
  • Utzi xukatzen.
  • Egosi hondoan irakiten 15 minutuz (jarri barazki hondo kantitate bikoitza kinoaren neurriarekiko).
• Txikitu berakatza brunoisean, sueztitu oliba oliotan, gehitu barazkiak (azenarioa, kuia eta kuiatxoa) eta egositako kinoa. Berotu multzoan.
• Utzi erretitu batean (gastronorm) prestatuta barazkiak kinoarekin eta jarri gainean brokolia.

Kaneloiak prestatzeko:

• Hidratatu kaneloi orea 15 minutuz ur hotzean.
• Barrubete mauka edo goilara batzuekin eta biribildu kanutilo forma emanez (anoako 5 ale).

MUNTAIA

• Koipeztatu gastronorm erretilua, jarri kaneloiak, saltseatu gainetik ilar kremarekin, eta berotu labe-mistoan 180 ºC-tara. Berotu krema suan. 
• Berotu labean barazkiak kinoarekin.
• Plateratu kaneloiak alde batera, eta jarri bestera barazkiak kinoarekin.
• Saltseatu kaneloiak ilar kremarekin eta apaindu kipula deshidratuarekin.