Kabarroka lurrunetan lanperna eta tipulinen oliozpinarekin

  Kabarrokarako edo txitxarrorako:

• Txitxarroei azalak eta izpiak kendu solomoak ateratzen. Gatza eta piperautsa eman eta gorde.
• Tipula, piper berdea eta entsaladako tomatea juliana finean moztu.
• Tximeleta moduko aluminiozko paper baten gainean, koipe apur batekin ipini txitxarroaren solomoa barazkiak gainean eta estali dena.
• Saski baten barruan ipini papilloteak eta fumetarekin lurrunetan egosi txitxarroak, su motelean, 12 minutu bitartez

Saltsarako:

• Fumet eta lanpernen azalekin salda mamitsu bat egin eta, veloute modura maizena eta gurinarekin lirgindatu.

Hornidurarako:

• Azalore egosi, birrindu eta pure bat egin. Esnegaina gutxiagotu eta horrekin lirgindatu purea, fin gera dadin.
• Oso gazia egongo den uretan lanpernak egosi, azalak kendu eta gorde hornidurarako.
• Jerezeko ozpin-olioa egin eta tipulina oso fin xehetua gehitu hornitzeko.

Apaingarrirako:

• Porru frijitua egin apaingarri.
• Txipiroi-saltsa fin bat prestatu biberoian sartzeko, apaingarri gisa.

MUNTAIA

• Plateraren oinarrian azalore krema ipini.
• Purearen gainean papillotetik kendutako txitxarro solomoak barazkiekin ipini.
• Lanpernak horren guztiaren gainean ipini.
• Veloutearekin saltseatu dena.
• Plateraren hertz batean txipiroisaltsaren hari bat jarri eta horren gainean porru frijituaren metaxoa ipini.
• Tipulinaren ozpin-olioa aparteko saltsontzi  txiki baten ipini.