Itsasapoa marinel erara

AURREELABORAZIOAK

• Baratxuria, tipula eta porrua brunoisean moztu.
• Arrainen aurrelaborazioak.

ELABORAZIOA

• Prestatu fumeta.
• Tomate-saltsa egin.
• Egosi arrautzak.
• Ireki muskuiluak.
• Sueztitu hornigaitarako berdurak.

Hemendik aurrera bi elaborazio mota desberdinen artean aukeratu ahal dugu:

1. prestaera: sukaldaritza-teknika: kontzentrazio bidez egostea saltsa baten (velouté-aren) barnean.
Jarri gozatzeko berdurak plaka edo kazola zabal batean. Bota 1º-ko oliba-olioa eta irina (40 g litroko), eta utzi egiten. Gehitu piperrauts pixka bat, ardo zuria, fumeta eta tomate-saltsa. Utzi irakiten, eta jarri gatz-puntuan. Sartu arraina, aldez aurretik onduta, eta utzi egosten, egin arte.
Sartu muskuiluak.
Sutatik atera, bota gainetik perrexila, eta jarri arrautzak gainean, laurdenetan edo erditan.

2. prestaera: sukaldaritza-teknika: ragouta.
Ondu eta irineztatu arraina. Sueztitu hornigaitarako berdurak 1º-ko oliba-oliotan, eta jarri plaka baten gainean edo kazola zabal batean. Gehitu irina eta arraina: utzi pixka bat egiten alde horretatik. Bota arrainaren gainetik piperrauts pixka bat, eta eman buelta. Utzi egiten pixka bat beste alde horretatik. Busti ardo zuri pixka batekin eta fumetarekin, arraina zertxobait estali arte. Gehitu tomate-saltsa, ondu, eta utzi egosten egina egon arte.
Jarri muskuilu egosiak gainean, bota gainetik perrexila, eta jarri arrautzak.