Txitxirio krema fiña txarri mutur eta txibiarekin

Txitxirio kremarentzat:

• Beratu txitxirioak.
• Xukatu eta garbitu txitxirioak.
• Egin txitxirio-eltzekaria.
• Pasatu txitxirio-eltzekaria thermomix-etik erabat fina egin arte.
• Gehitu gurina fintzeko.
• Jarri gatz puntuan.

Txerri-muzturrentzat:

• Garreztatu txerri-muzturrak eta kendu ileak.
• Egosi muzturrak ontze-barazkiekin eta gatzarekin presiozko-eltze batean ordu betez.
• Zabaldu aluminiozko paper xafla bat, eta gurineztatu.
• Atera txerri-muzturra salsa berotik, xukatueta jarri aluminiozko paperaren gainean (txerriaren azala paperarekin bat eginez). Ondu gatza eta piperrautsarekin.
• Bildu aluminiozko papera 4 cm-tako zilindro bat eratuz. Kiribildu paperaren puntak haragia trinkotzeko. Kiribildu zilindroa beste aluminiozko paper batean, trinkoago geratzeko.
• Hoztu ordu batzuk.
• Moztu 1 cm-tako xaflak.

Txopoa prestatzeko:

• Garbitu txopoa eta banatu tentakuluak.
• Zabaldu txopoaren hodia luzetara.
• Ondu gatzarekin, oliba oliarekin, berakatzarekin eta perrexilarekin.
• Jarri hutsean eta egosi 65ºC-tara 90 minutuz.
• Hoztu berehala.
• Atera boltsatik eta moztu txopoa 4 cm-tako xaflatan ore-ebakitzaile batekin.
• Xehetu fin-fin txopoaren soberakinak eta tentakuluak.

Cherry tomate erreak tenperatura baxuan prestatzeko:

• Zuritu tomateak. Egin urazukrea ura + azukrea + soja + jenjibrearekin.
• Infusionatu tomateak urazukrean (ordu erdi gutxienez).
• Atera tomateak almibarretik eta sartu labean 85ºC-tara (berotasun sikuan) ordu betez (tomatea bigundu arte). Busti tomateak urazukrearekin prozesuan zehar.
• Murriztu urazukrea tomatea labean dagoen bitartean.

Zallako kipula morea mandarina ozpinez ondua prestatzeko:

• Moztu kipula julianan.
• Hutsean ontziratu mandarina ozpinarekin.

Apainketentzat:

• Aukeratu ziape germinatuak.

MUNTAIA

• Gorritu koipeztatutako zartagin batean, bi xafka txerri-muztur eta bi xafla txopo anoako.
• Salteatu tentakuluak eta txopoaren soberakin xehetuak.
• Berotu txitxirioen krema.
• Berotu cherry tomateak.
• Plateratzea: jarri platearen erdian meta bat (txerri muzturrekin eta txopoarekin).
• Jarri txitxirioen krema metaren inguruan.
• Lagundu bi tomaterekin, tentakuluak eta salteatutako txopo soberakinekin.
• Apaindu ozpinetan dagoen kipularekin eta ziape-germinatuekin metaren tontorra.

Oharrak:

• "Zallako kipula" tipula moreagatik ordezkatu daiteke.