Txipiroiak beren tintan

Errezeta hau egiteko hurrengo elaborazioak beharrezkoak dira:

• Arraineen aurreelaborazioak
• Fumeta egin.
• Pilaw arroza prestatu

Txipiroiak prestatzeko:

• Xehatu tipula julianan, baratxuria xerratan, azenarioa ilargi-erditan eta piper berdea eraztunetan. 
• Jarri hornigaitarako barazkiak ontzi zabal batean, tanta batzuk oliba-olio sendoarekin eta gatz pixka batekin.
• Nahasi dena, eta jarri gainean txipiroiak, arrosa bat irudikatuz eta barazki guztiak estaliz (beharrezkoa balitz, jarri bi geruza). Bota gatza.
• Estali ontzia, eta jarri sutan. Utzi txipiroiak ixten, eta, ondoren, nahasi berdurekin. Utzi botatzen duten zukutan erregosten, samurtu arte.
• Eginda daudenean, bereizi txipiroiak, barazkiak eta atera den likidoa.
• Bota beste ontzi batera berdurak eta gelditu diren zukuak, eta gehitu ardotan urtutako tintak: utzi irakiten, ardo-zaporea galdu arte.
• Ondoren, pasa irabiagailutik eta txinatar iragazkitik, ondu, eta loditu ur hotzetan urtutako maizena pixka batekin. Gehitu saltsa txipiroiei, utzi irakiten 5 minutuz.

PLATERATZEA

• Jarri txipiroiak alde batean eta beste batean pilaw arroza moldeatua.