Txerri-hanka zilindroa ziape gazi-gozo saltsarekin eta tomate miamiarekin

Txerri-hanka zilindroa prestatzeko:

• Garbitu txerri hankak (ileak eta bestelako zikinkeriak kenduz).
• Egosi hankak presiozko eltzean ordu batez barazkiekin, hondo zuri bat izango balitz bezala.
• Konfitatu onddo takoak.
• Xehetu adobatutako hirugiharra.
• Atera txerri hankak eltzetik, iragazi salda eta erreserbatu.
• Hezurgabetu txerri-hankak bero daudelarik, gehitu hirugiharra, onddo xehetuak eta mahaspasak. Jarri gatz- eta piperrauts gozo- puntuan.
• Luzatu hanka anoa bat ondua berotan, koipeztatutako aluminiozko paperean. Biribildu ondo estutuz, zilindro bat eratuz. Itxi puntak gozoki bat balitz bezala. Utzi ondo hozten.
• Behin hotza, kendu aluminiozko papera eta moztu 4 cm-tako anoetan.
• Igaro zilindro anoak irina, arrautza eta sesamotik (ondoren frijituko baitira).

Saltsa prestatzeko:

• Murriztu hanken egosketako salda.
• Egin karamelu bat.
• Beheratutako karamelua hanka saldarekin.
• Gehitu mugurdi ozpina, ziapea eta tomate dadotxoak (zurituak eta haziak kenduta).
• Loditu arto-fekularekin.
• Jarri gatza eta piperbeltz puntuan.

Hornidura prestatzeko:

• Galdarraztatu tipulatxak. Zuritu.
• Egosi tipulatxak 5 minutuz irakiten dagoen uretan gatzarekin.
• Utzi hozten.
• Hutsean ontziratu gatza, piperbeltza eta boilur xehetuarekin.

 Apaindurak prestatzeko:

• Aukeratu ziape eta ilar kimu batzuk.

MUNTAIA

• Frijitu txerri-hanka zilindroak.
• Berotu tipulatxa hutsean ontziratuta roner-ean 65ºC-tara 5 minutuz. Zabaldu boltsa eta atera tipulatxa.
• Plateratu zilindroak plater-sakon baten erdian, eta saltseatu.
• Jarri tipulatxak zilindroen gainean.
• Apaindu kimuekin.

Oharrak

Zilindroak egiteko:

• Izkinak ixteko ondo estutu behar dira txerri-hanken gelatina ondo lotzeko.
• Zilindroaren diametro aproposa 3 cm-takoa da.
• Zilindroa babesteko: sesamoaz aparte panko, frijitutako artoa txikitua, fritu sikuak, chip patata birrinduak, etab. erabili daiteke.

Osagaien artean agertzen den hondo zuria, txerri hanken egosketan sortutako saldari dagokio.