Kuiatxo rabioli-ak, muskuilu, onddo eta itsaki kontsomea

Kuiatxo rabioliak prestatzeko:

• Moztu luzetara kuiatxoa xafla finetan.
• Erre kuaitxo xerrak plantxa gainean.
• Moztu urdaia xerratan.
• Jarri urdai xerrak erretitu batean gurutzeak egiten (gurutze bat bi xerrengatik). Jarri kuiatxo xerrak urdai xerren gainean.
• Gehitu barrubetea gurutzearen erdikaldean.
• Tolestu xaflak bata bestearen gainean, barrubetea bilduz eta ravioli-a itxiz.

Barrubetea prestatzeko:

• Zabaldu lurrunetan muskuiluak.
• Konfitatu onddoak.
• Zuritu eta xehetu fin-fin otarrainxkak.
• Xehetu berakatza brunoisean, jarri gatz puntuan eta gehitu onddo konfitatuak. Xukatu. Salteatu otarrainxkak eta muskuiluak (fin-fin moztuak).
• Kendu sutatik, jarri gatz-puntuan eta gehitu txikitutako sagarra azalik gabe, nahastu.

Itsaski kontsomea prestatzeko:

• Egin fumeta, alde batetik.
• Bestetik, gorritu arrain izpiak labean.
• Erre barazkiak labean (beste erretitu batean, barazkiak askatzen duten ura arrainarekin ez nahastatzeko).
• Gorritu txipiroiak eta otarrainxka buruak zartagin batean.
• Glaseatu labeko azpilak eta zartaginak ardo zuriarekin.
• Jarri gorritutako osagaiak kazola batean, gehitu zukuak eta busti fumetarekin.
• Irakin su motelean 15 minutuz, bitsa kendu. Sua itzali. Estali eta utzi infusionatzen ordu batez.
• Hotzitu eta iragazi arrautza zuringoekin batera.
• Loditu xantanarekin.

Hornidurak prestatzeko:

• Egosi lanpernak irakin dagoen uretan gatzarekin.
• Zuritu zainzuriak eta moztu juliana eran.
• Moztu "viera" gordina xaflatan.

Apaindurak:

• Alioli teila.

MUNTAIA

• Berotu ravioli-ak labean 220ºC-tara.
• Zuritu lanperna (azala kenduz).
• Salteatu zainzuri juliana eta "viera".
• Jarri ravioli beroak platerean.
• Jarri lanperna ondoan.
• Saltseatu lanpernen gainean, kontsome beroarekin.
• Hornitu zainzuriak eta "viera"-k.
• Apaindu alioli teila batekin.