Bieira Pectinidae familiakoa eta Ostreoida ordenekoa da. Galiziako bieira arruntaren izen zientifikoa Pecten jacobaeus da. Europar bieiraren izen zientifikoa Pecten maximus da.

Bieira muskuilu bibalbioa da, txirla eta ostrekin ahaidetua dagoena. Itsaso gehienetako ur sakonetan bizi da, baita kostatik hurbil dauden hondar garbi eta finkoz osatutako bankuetan ere, 100 metro arteko sakoneran. Animalia hermafrodita da eta ar-gonadak lehenengo osatzen dira. Bere maskorra ondulatua da. Behealdekoa goialdekoa baino handiagoa da eta ia laua da. Ondulazioak maskor bakoitzaren erpinetik ateratzen dira, haizemaile baten antzerako marrazki bat eginez. Ertzak zorrotzak eta ondulatuak dira. Maskorra abduktore izeneko muskulu indartsu eta bakar baten ekintzaren ondorioz irekitzen eta ixten da.

Ale nagusienak ez dira 15 cm baino handiagoak izaten eta taila komertziala (80 mm) lortzeko 4 urte behar dituzte. Fitoplanktonaz eta esekiduran dauden partikula organikoez elikatzen da. Ez da ohikoa arroketan finkatzea; astinaldien bidez igeri egiten dute maskorrak azkar zabalduz eta itxiz edo hondoan jalkitzen dira behealdeko maskorraren gainean.

Nutrizio-informazioa (0.1 kg)
Zuntza 0.0 g
Gantz azido aseak 0.23 g
Gantz azido monoasegabeak 0.09 g
Gantz azido poliasegabeak 0.23 g
Kolesterola 40.0 mg
Kaltzioa 120.0 mg
Burdina 2.4 mg
Zinka 1.3 mg
A bitamina 49.0 ug
C bitamina 0.0 g
Azido folikoa 17.0 ug
Gatza (Sodioa) 270.0 mg
Azukreak 0.0 g
Datuek orientatzeko balio dute eta ez dira osasun-helburuekin erabili behar.Webgunearen arduradunek ez dute inolako erantzukizunik onartzen.