Sukalki

Errezeta horretarako, honako elaborazio hauek egin behar dira:

• Haragia aurrez elaboratzea: koipea eta nerbioak kentzea, eta 4 cm-ko kubotan ebakitzea.
• Haragiaren zaporea indartuko duen hondo zuri bat egitea.
• Ragouta egitea:
  • Moztu brunoisean baratxuria eta tipula.
  • Erregosi ongailu-barazkiak gogortasun-ordenaren arabera.
  • Haragia apur bat ondu eta irineztatu, eta salteatu.
  • Bildu ontzi batean koipegabetutako ongailu-barazkiak eta haragia.
  • Gehitu piper txorizeroaren mamia, erregosi, gehitu ardoa eta utzi murrizten.
  • Gehitu hondo zuria haragia pixka bat estali arte (haragiak ez du salda gainean igeri egin behar).
  • Utzi irakiten haragia erabat prestatu arte.
  • Jarri gatzaren eta lodieraren puntuan.
• Frijitu oliba-olio leun bero-berotan patata bolak ondo xukatuta.
• 40 g inguruko 4/5 haragi zati banatu ontzietan, anoa bakoitzeko 200 g bete arte. Saltseatu 160 g saltsarekin eta, gainean, 40 g patata jarri, jaki bakoitzeko 400 g bete arte.
• Eraitsi (bihotzeko tenperatura 8 ºC baino gutxiagora, bi ordu baino gutxiagotan).

PASTEURIZAZIOA

• Ontziak termosellatu, eta balbula balvopackarekin jarri.
• Sartu lurrun-labean % 100eko hezetasuna, eta pasteurizatu 96 ºC-tan 60 minutuz.
• Tenperatura jeistea (bihotzeko tenperatura 8 ºC baino gutxiagora, bi ordu baino gutxiagoan).
• Hotz-ganberan 0 ºC eta 4 ºC artean kontserbatzea.

BEROTZEA

• Ontzi berean, berotu lurrun-labean % 100eko hezetasuna.
• Edo mikrouhin-labean, 3 minutuz potentzia handienean.
• Berotzeko beste modu bat produktua ontzitik ateratzea eta lapiko batean sutan berotzea da.

Anoa 400 g inguru