Txatka

Txatka edo surimia japonierako terminoa da, eta «arrain xehatuaren muskulua» esan nahi du.

Produktu hau proteina-kontzentratu bat da, eta, tradizioz, haragi zuriko arrainekin egiten da. Arrain-xerrak birrindu eta uretan pasatzen dira hainbat aldiz, pasta lirdingatsu bat lortu arte. Pasta hori gehigarriekin nahasten da: almidoia, arrautzaren zuringoa, gatza, landare-olioa, sorbitola, azukrea, soja-proteinak, etab. Hori egin ondoren, paketatu eta izoztu egiten da. Surimia digestio azkarreko proteinen iturri gisa erabiltzen da, eta prozesatutako janariari ere gehitzen zaio.

Surimia lehengai gisa erabiltzen da interes komertzialeko hainbat produktu ekoizteko; adibidez, karramarro-taketak, angulen ordezkoak, ganbak edo otarrainaren isatsak.