Urteko txahal masail erregosiak Pedro Ximenezetan

• Hondo zuria prestatu.
• Txikitu brunoisean tipula, azenarioa, baratxuriak eta porruak.
• Errehidratatu lukainka-piperrak.
• Kendu masailei koipea eta tendoiak.
• Bota gatza, eta irineztatu haragia pixka bat.
• Salteatu, eta jarri erregosteko erabili behar duzun ontzian.
• Hartu haragia salteatzeko erabili duzun ontzia, eta, koipea kendu ondoren, sueztitu bertan berdurak, kolorea emateko eta haragiaren zukuak berreskuratzeko.
• Gehitu lukainka-piperraren mamia, eta erantsi nahastura hori masailei. Berotzen direnean, busti ardo gozoarekin (Pedro Ximenez), eta utzi urritzen.Ondoren, gehitu ardo beltza, eta utzi urritzen.
• Busti saltsa-hondo zuriarekin, berdurak estaliz, baina haragia estali gabe, eta utzi tapatuta kozinatzen. Behar izanez gero, gehitu hondo gehiago, kozinatzen ari den bitartean.
• Haragia samur-samur dagoenean, beharrezkoa balitz, txikitu saltsa.
• Masailak xerratu  3 edo 4tan edo laukietan moztu. 

PLATERATZEA

• Plateratu masaila, saltsa gainetik bota eta patatekin lagundu.