Abrikot-orejoiak

Fruta lehorrek ez dute soilik uda-zaporea luzatzen, gozotasun berezi bat ere badute. Fruta batzuk lehortu eta deshidratatu egiten dira, eta horren helburua frutaren ur-edukia ahalik eta txikien bihurtzea da, hezetasuna behar duten germenen jarduera gelditzeko. Hori lortzeko bero naturala (eguzkitan) edo artifiziala (egurra, ikatza, gasa edo elektrizitatea) erabiltzen da.

Lehortutako fruta hauek zerealei ederto dagozkie, eta bitamina, mineral eta zuntzetan aberastu egiten dute gosaria. Adin guztietako jendearentzat aukera interesgarria izan daiteke, eguneko lehen otordua erakargarriagoa, anitzagoa eta zaporetsuagoa bihurtzen baitute.