Maltodextrina almidoiaren erreakzio enzimatiko baten ondorioz sortzen da.

Bere ezaugarri nagusia koipea xurgatzen duela da. Maltodextrina olioarekin nahastuz, koipezko hauts edo pikorrak lortzen dira. Gainera, maltodextrina uretan oso disolbagarria da; beraz, nahaste hau gure listuarekin kontaktuan jartzean, koipea askatzen du. Horrela, sorpresa efektu bat lortzen da lehenik (mahai-lagunak ez du horrelako sentsaziorik espero itxura lehorra duen nahastea ikusita), eta erreakzio on bat ondoren, nahaste koipetsu bat nabaritzean.

Maltodextrina gozo samarra da, baina ez dauka ia zaporerik; beraz, koipe gazi edota gozoekin nahas daiteke.

Aldez aurretik prestatutako elikagaien, gosarirako barren, eta abarren industrian asko erabiltzen da osagai hau, ezaugarri egonkortzaileak eta koipea gordetzeko ahalmena baititu, gero koipe hori jaterako momentuan bertan askatzeko. Horrez gain, lehorgailu oso indartsua da. Kirolariek ere erabiltzen dute osagai gisa, energia asko duelako eta odoleko azukre maila oso azkar igotzeko ahalmena duelako.

Hauts zuri baten itxurarekin aurki dezakegu, eta almidoi asko duen edozein landaretik eratorria izan daiteke, nahiz eta arruntena tapiokatik eratorria den.

Maltodextrina, gainera, garagardoaren testura hobetzeko ere erabili ohi da.

Nutrizio-informazioa (100.0 g)
Zuntza 0.0 g
Gantz azido aseak 0.0 g
Gantz azido monoasegabeak 0.0 g
Gantz azido poliasegabeak 0.0 g
Kolesterola 0.0 mg
Kaltzioa 0.0 mg
Burdina 0.0 mg
Zinka 0.0 mg
A bitamina 0.0 ug
C bitamina 0.0 g
Azido folikoa 0.0 ug
Gatza (Sodioa) 0.0 mg
Azukreak 95.21 g
Datuek orientatzeko balio dute eta ez dira osasun-helburuekin erabili behar.Webgunearen arduradunek ez dute inolako erantzukizunik onartzen.