Basa-arroza

Poaceae familiakoa da, arrozaren pare, baina ez da honen genero berekoa. Arroza Oryza sativa espeziekoa da, baina ‘basa-arroz’ gisa erosten ditugun espeziak ordea, Zizania espeziekoak dira; zehatzagoak izatekotan, bi espezie bereizgarritakoak, Zizania palustris eta Zizania aquatica.
‘Manomin’, ‘zizania’ edo ‘uretako ale’ ere deitzen zaio basa-arrozari.

Oso aromatikoa eta kurruskaria da. Beste arroz mota batzuekin nahasten da normalean, nahiz eta basa-arrozak egosteko denbora gehiago behar duen; hortaz, sarri bereizita egosten da.

Nutrizioari dagokionez, ohiko arroz zuriarekin konparatuz nabarmendu egiten da; izan ere, proteina kopuru handia du (%11, eta arroz zuriak ordea %7, biak gordinik), baita fibrarena ere: basa-arrozak 6,1 fibra gramo ditu 100 g-ko, arroz landuak 0,3 eta integralak 1,2.