Phisalis

Solanazeoen familiako landare genero bat da. Phisalisa klima epel, bero eta subtropikala duten lekuetan aurki dezakegu.

Phisalisen ezaugarri nagusia laranja edo hori koloreko fruitu txikia da, tomate baten antza edukitzen duena, bai formari, baita tamaina eta estrukturari dagokionez ere. Hala ere, phisalisen fruituak guztiz edo hein batean estaltzen duen oskol handi bat edukitzen du.

Naturan dauden modu berean kontsumitzen dira, txokolatea, gozoak, zukuak, izozkiak, marmelada, jelea eta haragi zurientzako saltsak egiteko erabili daiteke. Gainera, entsaladetan ere erabili daiteke, baita plater berezietan dekorazio moduan ere. Nazioartean fruitu exotiko bezala da ezaguna. Industrialki marmeladak, nektarrak, zukuak eta kontserbak sortzen dira phisalisekin.