Estalki beltza

Txokolate estalkiak kakao-manteka gehiago du, eta horrek urtze-puntu baxuagoa izatea eragiten du. Era solido zein likidoan aurki dezakegu, eta batez ere gozogintzan erabiltzen da produktuak moldatu eta estaltzeko.

Txokolatea azukrea eta kakao haziak manipulatzearen ondorioz sortutako bi osagai nahastuta lortzen da, kakao orea eta kakao-manteka nahastuta, hain zuzen. Nahasketa horren bidez hainbat txokolate mota egiten dira; bi osagai horien neurriaren arabera mota ezberdina lortuko genuke, eta batzuei esnea edo fruitu lehorrak ere gehitzen zaizkie.