Ingeles erara zerbitzatu

Jatekoak sukaldetik azpiletan zerbitzatzeko modua da, osagai guztiak ondo kokatuta dituztela; jankidearen eskuinetik plater hutsa mahai gainean utzi eta gero, zerbitzariak ezkerreko besoan eramango du azpila mahaikideari ezkerretik zerbitzatuz. Zerbitzaria koilarak eta ebakitzeko sardexkak osatzen duten pintza itxurakoaz baliatzen da zerbitzatzeko. Guztiz garrantzitsua da zerbitzariak jarrera egokia hartzea bezeroari trabarik ez egiteko, eta bere burua ere gehiegi ez nekatzeko. Horretarako, ezkerreko hanka eskuinekoa baino aurrerago ezar dezake, modu egokian zerbitzatzeko behar adina makurtzeko eta jankidea ez zikintzeko.